Esposiciones
André Butzer
El Muséu Nacional Thyssen-Bornemisza presenta la primera retrospectiva de André Butzer (1973, Stuttgart, Alemaña) n'una institución fora del so país. Coincidiendo col 50 aniversariu del artista, la muestra axunta una selección de 22 obres, feches ente 1999 y 2022, qu'inclúi dalgunes de les sos pintures más icóniques y revela la dimensión de la so esperiencia pictórica. Ente elles atópense dos obres apocayá incorporaes a la Colección Blanca y Borja Thyssen-Bornemisza: Aladín y la llámpara maraviyosa (2010) y Ensin títulu (2022).
Con esta esposición monográfica de la obra de Butzer, comisariada pol direutor artísticu del muséu, Guillermo Solana, n'estrecha relación col estudiu del pintor, empecípiase una nueva serie d'esposiciones en redol a artistes presentes na Colección Blanca y Borja Thyssen-Bornemisza, que se van mostrare nel nuevu espaciu espositivu de la primer planta del muséu.
Hasta'l 10 de setiembre de 2023
Nel Muséu Thyssen-Bornemisza
Calderón y la pintura
Entamáu conxuntamente pola Compañía Nacional de Teatru Clásicu y el Muséu Nacional del Prado, l'itinerariu Calderón y la pintura pretende convidar al públicu a contemplar la pintura barroca de la colección permanente dende la sutilidá conceptual y estética de Pedro Calderón de la Barca (1600-1681). Concebíu como una intervención en trelce sales de la planta primera del edificiu de Villanueva y en la mesma Galería Central, l'itinerariu consta de trés niveles espositivos que se complementen ente sí.
Una selección de cites calderonianes, colgaes nes parés, propón un suxerente diálogu ente la lucidez del escritor y el llinguaxe de los pintores barrocos. Coles mesmes, una serie de cuadros, comentaos en relación al teatru calderonianu, dexen percorrer delles de les moliciones más significatives pal escritor y la so dómina, tanto temátiques como formales. Y, p'afondar nelles, el percorríu complétase con dellos testos que contextualicen el so pensamientu en relación a la pintura.
Hasta'l 10 de setiembre de 2023Nel Muséu del Prado