Esta selmana celebramos n'Un llibru al llau'l Día Mundial del Llibru Infantil y Xuvenil con "El soldáu de plomu y la baillarina"

El próximu vienres 2 d'abril celébrase'l Día Internacional del Llibru Infantil y Xuvenil,  coincidiendo col nacimientu del escritor danés Hans Christian Andersen. L'oxetivu, ye espertar l'interés y amor polos llibros y la llectura de los neños y xóvenes pa facer d'ello, un vezu de vida.

Esta selmana , celebramos el Día Internacional del Llibru Infantil y Xuvenil n'Un llibru al llau con "El soldáu de plomu y la baillarina", de H. C. Andersen ,versión en llingua asturiana d'Irene Riera ya Illustraciones d' Alicia Varela.

Esti llibru publicólu Impronta editorial , presentando una prestosa versión del relatu imperecederu , la inolvidable y exemplar historia de valor, superación, respetu a la diferencia y, percima de too, d'amor, ente un soldáu de plomu y una baillarina de cartón.

Consigue un exemplar del llibru "El soldáu de plomu y la baillarina" participando nel sortéu d'Un llibru al llau unviando un corréu antes del domingu 4 d' abril a les 23:50 hores a: alllaudelllar@hotmail.com.

Collabora :  Ayuntamientu de Samartín del Rei Aurelio.