El Real Oviedo prepárase pa la primer victoria

El Real Oviedo prepárase pa la primer victoria de la temporada nel estadiu NMR Carlos Tartiere . Esti sábadu tuvo llugar l'últimu entrenamientu antes del alcuentru col RCD Espanyol de Barcelona que tendrá llugar mañana domingu a partir les seis y cuartu la tarde.

L'entrenador del equipu carbayón,Cuco Ziganda,  comunicó los xugadores qu'intentarán el triunfu: Femenías, Grippo, Arribas, Edgar, Aburjania, Carlos Hdez, Johannesson, Sangalli, Borja Sánchez, Mujica, Juanjo Nieto, Brazâo, Jimmy, Nahuel, Obeng, Viti, Bolaño, Cedric, Tejera, Riki, Lucas, Javi Mier y Javi Cueto.

Esti partíu , correspondiente a la tercer xornada de LaLiga SmartBank tará dirixíu pol colexáu vascu Gorka Sagués Oscoz y podrá vese n'abierto al traviés de GOL TV.

Atoparás más información del Real Oviedo na so páxina oficial calcando na imaxen.